༄༅། །རྒྱལ་བའི་སྲས་ཀྱིས་ལག་ལེན་འགའ་ཞིག་ནི༎
འདིར་བརྗོད་གྱུར་ནས་བདག་སོགས་མ་རིག་བློ༎
རབ་རིབ་ཀུན་སེལ་ཡེ་ཤེས་སྒྲོན་མེའི་མཆོག།
མར་མེ་སྣང་མཛད་དེ་ལ་ཕྱག་འཚལ་ལོ༎
ཡང་དག་ལྟ་དང་བྲལ་ནས་དགེ་བས་ཀྱང་༎
རྫོགས་པའི་བྱང་ཆུབ་ཐོབ་པ་མི་སྲིད་པས༎
གནས་ལུཊ་འཁྲུལ་ལུཊ་འཁྲུལ་སྤོང་ཐབས་མཆོག་ཀུན༎
རྟོགས་པར་བྱེད་པ་རྒྱལ་སྲས་ལག་ལེན་ཡིན༎
དམ་ཚིག་ཉམས་ན་དངོས་གྲུབ་མི་ཐོབ་ཅིང་༎
རྡོ་རྗེ་དམྱལ་བར་གཏན་དུ་བསྲེག་འགྱུར་བས༎
རང་གི་ལུས་སྲོག་བས་ཀྱང་གཅེས་པར་ནི༎
དམ་ཚིག་བསྲུང་བ་རྒྱལ་སྲས་ལག་ལེན་ཡིན༎
སྲོག་ཐུར་ཉི་ཟླའི་རླུང་རྣམས་མ་འགགས་ན༎
གཟུང་འཛིན་རྣམས་རྟོག་འགག་པ་མི་སྲིད་ཅིང་༎
འགྱུར་མེད་བདེ་ཆེན་ཐོབ་པ་མི་སྲིད་པས༎
བྱེད་བཅིང་སྒོམ་པ་རྒྱལ་སྲས་ལག་ལེན་ཡིན༎
རླུང་སེམས་འཕོ་བའི་བག་ཆགས་མ་འགགས་ན༎
ཞུ་བདེ་འགྱུར་མེད་རྫོགས་པ་མི་སྲིད་ཅིང་༎
རང་བཞིན་ལྷན་སྐྱེས་ཐོབ་པ་མི་སྲིད་པས༎
སྦྱོར་དྲུག་སྒོམ་པ་རྒྱལ་སྲས་ལག་ལེན་ཡིན༎
རྡོ་རྗེའི་ཚིག་གི་མདུད་པ་མ་བགྲོལ་ན༎
རྒྱུད་སྡེ་ཟབ་མོའི་ངེས་དོན་མི་རྙེད་ཅིང་༎
མདོ་མཆོག་རྣམས་ཀྱི་དགོངས་པ་མི་ལོན་པས༎
སེམས་འགྲེལ་སློབ་པ་རྒྱལ་སྲས་ལག་ལེན་ཡིན༎
ལས་ཀྱི་རླུང་རྣམས་དབུ་མར་མ་ཚུད་ན༎
ལྟེ་བའི་གཏུམ་མོ་འབར་བ་མི་སྲིད་ཅིང་༎
སྤྱི་བོའི་ཧཾ་ཡིག་ཞུ་བ་མི་སྲིད་པས༎
ཉི་ཟླ་འཆིང་བ་རྒྱལ་སྲས་ལག་ལེན་ཡིན༎
ཐིག་ལེ་འཆིང་བའི་ཐབས་དང་མི་ལྡན་ན༎
ལུས་སེམས་བདེ་བས་གང་བ་མི་སྲིད་ཅིང་༎
དགའ་བཞི་སྐུ་བཞི་ཐོབ་པ་མི་སྲིད་པས༎
འཛག་མེད་བསྟེན་པ་རྒྱལ་སྲས་ལག་ལེན་ཡིན༎
ལྟོས་མེད་རྣམ་བཞིས་རང་རྒྱུད་ལེགས་སྦྱངས་ནས༎
ཚད་མེད་རྣམ་ཐར་རྡོ་རྗེའི་རྣལ་འབྱོར་བཞི༎
བསྙེན་བསྒྲུབ་རྣམ་བཞི་ཉིན་དང་མཚན་དུ་ནི༎
རྒྱུན་དུ་བསྒོམ་པ་རྒྱལ་སྲས་ལག་ལེན་ཡིན༎
ཇོ་ནང་ཀུན་མཁྱེན་གྱིས་གསུངས།