རྡོར་གདན་ཇོ་ནང་སྨོན་ལམ་ཆེན་མོ་འཛམ་གླིང་ཕན་བདེའི་གྲུ་ཆར་སྐབས་བཅུ་བདུན་པ་བོད་རྒྱལ་ལོ་ ༢༡༥༠ བོད་ཟླ་བཅུ་གཉིས་པའི་ཚེས་བཅུ་བཞི་ནས་ཉི་ཤུ་བར་ད་ལོ་ནས་བཟུང་སྟེ་ལོ་བསྟུད་མར་ཇོ་ནང་སྨོན་ལམ་ཆེན་མོའི་འཚོགས་ཡུལ་དང་། དུས་ཚིགས་སོགས། རྡོར་གདན་བྱང་ཆུང་མཆོད་རྟེན་འཛིན་སྐྱོང་ལྷན་ཚོགས་ (BTMC) ཡིག་ཚང་ནས་བཀའ་འཁྲོལ་ཡོད་པ་བཞིན་དགོངས་འཇགས་དང་། ཕྱི་ལོ་ཕྱི་ལོ་ ༢༠༢༤ ཟླ་ ༡ ཚེས་ ༢༢ ནས་ཉིན་གྲངས་ལྔའི་རིང་མཆོད་རྟེན་རིན་པོ་ཆེའི་ནུབ་ཕྱོགས་བྱང་ཆུབ་ཤིང་དྲུང་དུ་སྨོན་ལམ་ཆེན་མོ་འཚོགས་རྒྱུ་གཏན་འཁེལ་བ་ལགས་ན། རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་ན་བཞུགས་པའི་དཔལ་རྒྱལ་བ་ཇོ་ནང་པའི་དགོན་སྡེ་དང་ཆོས་ཚོགས་ཁག་གི་མཁན་བླ་སྤྲུལ་སེར་སྐྱ་ཡོངས་དང་རིས་མེད་ཀྱི་བླ་སྤྲུལ་དད་ལྡན་མི་མང་དང་བསྟན་པའི་སྦྱིན་བདག་ཁག་བཅས་ནས་གོང་ཞུས་ཀྱི་ཚེས་གྲངས་ལྟར་ཐུགས་འཇགས་འཚལ།
རྡོར་གདན་ཇོ་ནང་སྨོན་ལམ་ཐེབས་རྩ་ཚོགས་པ་ནས་གསལ་བསྒྲགས་སུ་ཕྱི་ལོ་༢༠༢༣ ཟླ་༩ ཚེས་༡༨ ལ།