༧ བལ་ཡུལ་ཇོ་ནང་སྨོན་ལམ་ཆེན་མོ་རྫོགས་ལྡན་བསུ་བའི་སྐྱ་རེངས་ལོ་ལྟར་བལ་ཡུལ་མཆོད་རྟེན་ཆེན་མོ་བྱ་རུང་ཁ་ཤོར་གྱི་མདུན་དུ་འཚོགས་དང་འཚོགས་མུས་ཡིན་པ་དགོངས་མངའ་ལྟར། འདི་ལོར་ཡང་སྨོན་ལམ་སྐབས་བཅུ་གཉིས་པ་སྟེ་བལ་ཡུལ་མཆོད་རྟེན་ཆེན་མོ་བྱ་རུང་ཁ་ཤོར་གྱི་མདུན་དུ་བོད་རྒྱལ་ལོ་ ༢༡༥༠ བོད་ཟླ་ ༡༡ ཚེས་ ༡༤ ནས་ ༡༦ བར་ཏེ་ཕྱི་ལོ་ ༢༠༢༣ ཟླ་ ༡༢ ཚེས་ ༢༥ ནས་ ༢༧ བར་ཉིན་གསུམ་རིང་རྒྱལ་ཁམས་ཀུན་ཏུ་ནད་མུག་འཁྲུག་རྩོད་མི་འདོད་པའི་ཉེར་འཚེའི་རིགས་མཐའ་དག་ཉེ་བར་ཞི་བ་དང་འཛམ་གླིང་ཞི་བདེ་ཡོང་བ་སོགས་ལ་དམིགས་ཏེ་དཀོན་མཆོག་རྗེས་དྲན་དང་། དཔལ་དུས་ཀྱི་འཁོར་ལོའི་སྔོན་འགྲོའི་ངག་འདོན། བཟང་པོ་སྤྱོད་པའི་སྨོན་ལམ་ཅི་འགྲུབ་དང་། འཇམ་དཔལ་མཚན་བརྗོད། བར་ཆད་ལམ་སེལ། རྗེ་བཙུན་སྒྲོལ་མ་ཉེར་གཅིག་གི་བསྟོད་པ། བླ་མ་མཆོད་པ་བཅས་ཀྱི་སྒོ་ནས་ཚོགས་མཆོད་འབུལ་བ་སོགས་སྨོན་ལམ་འཚོགས་རྒྱུ་གཏན་འཁེལ་བྱུང་བ་ལགས་ན་འབྲེལ་ཡོད་དད་ལྡན་རྣམ་པས་དེ་དོན་ཐུགས་ལ་འཛིན་པར་ཞུ་ཞུ།
ཞེས་བལ་ཡུལ་ཇོ་ནང་སྨོན་ལམ་གོ་སྒྲིག་ཚོགས་ཆུང་ནས་ཕྱི་ལོ་ ༢༠༢༣ ཟླ་ ༡༡ ཚེས་ ༢༧ ཉིན།
Nepal Jonang Monlam Announcement
We hereby, would like to inform all the dharma brothers and sisters that we are going to organise The 12th Nepal Jonang World Peace Prayers at, Boudhanath Stupa, Kathmandu, Nepal, for three days starting from 25th December to 27th, December 2023. The vision for organizing the monlam is to pray for Universal peace and harmony, removal of illnesses and obstacles, and to fulfil of all the positive wishes one hopes.
Nepal Jonang Monlam Committee. 27 November 2023