དེ་ནས་ངེས་དོན་བསྟན་པ་འཛིན་པའི་སྐྱེས་ཆེན་རྗེ་བཙུན་ཆེན་པོ་ཀུན་དགའ་སྙིང་པོ་བཀྲ་ཤིས་རྒྱལ་མཚན་དཔལ་བཟང་པོའི་སྐུ་ཕྲེང་དང་འབྲེལ་བའི་མཛད་པ་མདོ་ཙམ་བརྗོད་ན། སྐྱེས་རབས་དང་། མཛད་ཚུལ་གཉིས་ལས། ངོ་མཚར་བའི་སྐྱེས་པའི་རབས་བཅུ་གསུམ།
དང་པོ་ལ་ངོ་མཚར་བའི་སྐྱེས་པའི་རབས་བཅུ་གསུམ་ལས།
པཎྜི་ཏ་འབར་བའི་གཙོ་བོ།
དང་པོ་ནི། སྤྱིར་རྗེ་བཙུན་ཆེན་པོ་ཁྱབ་བདག་འཁོར་ལོའི་དབང་ཕྱུག་གང་ཉིད་ཀྱི་གསང་བ་གསུམ་དཔལ་ལྡན་འཁོར་ལོ་སྡོམ་པ་དང་མི་གཉིས་པའི་ངོ་བོར་རྟག་པར་བཞུགས་པ་ལ་གང་འདུལ་གྱི་མཛད་པ་ཐུན་མོང་སྤྱིའི་ཁམས་དབང་དང་མཐུན་པར་སྟོན་པའི་རིམ་པ་ཐོག་མ་རྒྱ་གར་དུ་སློབ་དཔོན་པཎྜི་ཏ་འབར་བའི་གཙོ་བོའི་སྐུའི་སྐྱེ་བ་བཞེས་ཏེ། འཕགས་པ་ཀླུ་སྒྲུབ་ཡབ་སྲས་ཀྱི་ཞལ་ལུང་བདུད་རྩི་གསོལ་བའི་སྐལ་བཟང་ཅན་ཏུ་གྱུར་ཏེ་སྡེ་སྣོད་གསུམ་དང་རིག་པའི་གནས་ལྔ་དག་ལ་མཁས་པར་སྦྱངས་པས་དེ་ཀུན་བྱང་ཆུབ་སྟེ་མཁས་པའི་མཐར་སོན། ཡི་དམ་ལྷ་མོ་སྒྲོལ་མ་ལ་བརྟེན་ནས་དངོས་གྲུབ་བརྙེས། ཕྱིས་དཔལ་ནཱ་ལེནྡྲའི་གཙུག་ལག་ཁང་དུ་མུ་སྟེགས་རྟ་དབྱངས་ཀྱི་གྲུབ་མཐའ་འཛིན་པའི་ཕྱི་རོལ་བའི་པཎྜི་ཏ་རྩོད་པའི་ཁྱུ་མཆོག་ཏུ་གྲགས་པ་ཙཀྲ་ཝནྟི་ཞེས་བྱ་བ་ལྷགས་ཏེ་རྩོད་པ་སྣ་ཚོགས་ཀྱི་ཚིག་སྨྲས་པ་ན། བདག་ཉིད་ཆེན་པོ་དེ་ཉིད་ཀྱིས་ཐོགས་པ་མེད་པའི་ལན་དང་ལུང་རིགས་རྒྱ་ཆེ་བས་ཚར་བཅད་དེ་ནུས་མཐུས་ཕམ་པར་བྱས་ནས་ཕས་ཀྱི་རྒོལ་བ་ལས་རྣམ་པར་རྒྱལ་བ་ཐོབ་པ་སོགས་བསྟན་པ་རྒྱ་ཆེར་སྤེལ་མཐར། སྐུ་འདའ་བའི་ཁར། ཀླུ་སྒྲུབ་དཔལ་གྱི་རི་བོར་གཤེགས། །ཨཱརྱ་དཱེ་ཝ་དབྱིངས་སུ་བཞུད། །ཤཱཀྱ་བཤེས་གཉེན་ཞི་བར་གཟིམས། །ནཱ་ག་བོདྡྷི་ས་མཐར་བྱོན། །ཀླུ་སྒྲུབ་སློབ་བཅས་སྤྲིན་བཞིན་དེངས། །སངས་རྒྱས་བསྟན་པའི་ཉི་འོད་ཡལ། །མུ་སྟེགས་ངན་པའི་མུན་པས་ཁྱབ། །ཀྱེ་ཧུད་འགྲོ་བའི་དམིགས་བུ་བྲལ། །ཞེས་པ་དེ་ལྟ་བུའི་ཡིད་འབྱུང་དབང་གིས་མིག་ཆུ་གཡོ་བཞིན་མྱ་ངན་ལས་འདས་པར་བཤད་དོ། །
གྲུབ་ཆེན་དཔོན་ནག་པོ་སྤྱོད་པ།
གཉིས་པ། དུས་འཁོར་བསྡུས་རྒྱུད་ཕྱི་མ་ལས། ཁ་ཊཱཾ་ཀ་དང་རུས་རྒྱན་ཅང་ཏེའུ་ཆང་སྣོད་ཐོགས་པ་ནག་པོའི་མིང་ཅན་འབྱུང་བར་འགྱུར། །ཞེས་ལུང་བསྟན་པའི་སློབ་དཔོན་ནག་པོ་སྤྱོད་པ་འཁྲུངས་ཡུལ་རྒྱ་གར་ཤར་ཕྱོགས་གཽ་རའི་རྒྱལ་ཁམས་ཀྱི་ནང་ཚན་ཨོ་རུ་བི་ཤ་ཞེས་བྱ་བ་བྷཾ་ག་ལ་དང་ཅུང་ཟད་ཉེ་བའི་ཕྱོགས་དེར་བྲམ་ཟེའི་རིགས་སུ་འཁྲུངས། ཆུང་ངུའི་དུས་ནས་བློ་རྣོ་ཞིང་སྒྲ་དང་སྨན་དཔྱད་བཟོའི་གནས་ཐམས་ཅད་ལ་མཁས་པར་བྱས། དེར་སྔོན་གྱི་ལས་འཕྲོ་སད་པས་ཡེ་ཤེས་ཀྱི་རྣལ་འབྱོར་མ་དུ་མས་ཞལ་མངོན་སུམ་དུ་བསྟན། དེ་ནས་དཔལ་ནཱ་ལེནྡྲ་ཞེས་བྱ་བར་པཎྜི་ཏ་ལྔ་བརྒྱ་གནས་ཤིང་ཆོས་ཤིན་ཏུ་དར་པས་དེར་བྱོན་དགེ་སློང་མཛད་ཅིག་ལོ་མང་བཞུགས་ནས་སྡེ་སྣོད་གསུམ་དང་རྒྱུད་སྡེ་བཞི་ཐོས་བསམ་གྱིས་བྱང་བར་མཛད། སྔགས་དང་བསམ་གཏན་ཡང་ཅི་རིགས་གྲུབ། དེར་བསྒོམ་ཞིང་བཞུགས་སྐབས་རྣལ་འབྱོར་མ་མང་པོས་ཞལ་བསྟན་བྱིན་གྱིས་བརླབས་པས་ཏིང་ངེ་འཛིན་ཁྱད་པར་ཅན་བརྙེས་ལུང་བསྟན་པ་ལྟར་བྱང་ཕྱོགས་གྲོང་ཁྱེར་ཛ་ལནྡྷ་ར་ན། གྲུབ་ཐོབ་ཛ་ལནྡྷ་རི་པ་བཞུགས་པ་དང་མཇལ། དེར་ཞབས་ལ་གུས་པས་བཏུད་དེ་རྗེས་སུ་བཟུང་བར་གསོལ་བ་བཏབ་པས་སྐལ་བ་དང་ལྡན་པར་མཁྱེན་ནས་དབང་བསྐུར་གདམས་པ་མཐའ་དག་བསྩལ་ཏེ་བསྒོམས་པས་ལན་ཅིག་ན་རྩིག་པ་ལ་ཐོགས་མེད་དུ་འབྱོན་པ་བྲག་རི་ལ་ཡང་བཞེད་ན་ཐལ་བྱུང་དུ་བཞུད་ན་ཐལ་བྱུང་དུ་བཞུད་ནུས་པ། ཏིང་ངེ་འཛིན་ནམ་བསྒོམ་ཚེ་བདག་ཉིད་ཧེ་རུ་ཀའི་དཀྱིལ་འཁོར་གསལ་བར་གཟིགས་ཤིང་། ལྷ་དེ་རྣམས་ཀྱིས་དྲི་ལན་མཛད་པའི་ཚུལ་གྱིས་སློབ་དཔོན་རང་གི་ཐེ་ཚོམ་ཆོད་པ། བསྟོད་པ་དང་རྡོ་རྗེའི་གླུ་ནམ་བླངས་པ་ནས་གཡོ་བའམ། མེ་ཏོག་གི་ཆར་འབབ་པའམ། སྒྲ་འབྱིན་པའམ། འོད་སྣང་བར་བྱེད་པ་བྱུང་ངོ་། །དེ་སྐབས་སྤྱོད་པ་བྱ་དུས་ཡིན་ནམ་དགོངས་པ་ན་མཁའ་འགྲོས་བཟློག་པར་མཛད། ཡང་བསྒོམས་པས་རེ་ཞིག་ན་རིམ་གྱིས་རལ་གྲི། དངུལ་ཆུ། རིན་པོ་ཆེའི་གཏེར། རིལ་བུ་སོགས་ཐུན་མོང་གི་དངོས་གྲུབ་མང་པོ་ཆེད་དུ་མ་སྒྲུབ་ཀྱང་རང་ཤུགས་ཀྱིས་གྲུབ་པའི་ཚེ། སྤྱོད་པའི་དུས་སམ་སྙམ་ན་བླ་མ་ཛ་ལནྡྷ་རི་པས་མ་གནང་བར་བཀའ་བཞིན་ཡུལ་པྲེ་ཏ་པུ་རིར་མཁའ་འགྲོ་སྐལ་པ་བཟང་མོའི་ཕྱག་ནས་རྒྱུད་ཁ་སྦྱོར་ཐིག་ལེ་སྤྱན་དྲངས་ཀྱང་མཁའ་འགྲོ་མ་ལ་རྟོག་དཔྱོད་ཅུང་ཙམ་བྱས་པས་མཆོག་མ་ཐོབ། དེ་ནས་བླ་མས་རུས་རྒྱན་ཞིག་ཨོ་རྒྱན་གྱི་ཡུལ་དུ་མཁའ་འགྲོ་མ་ལ་བྱིན་རླབས་ཞུ་ཚུལ་དུ་ནག་པོ་སྤྱོད་པ་མངགས་ཏེ་བྱོན། མཁའ་འགྲོས་བྱིན་གྱིས་བརླབས་ཏེ་མདུད་རྒྱ་དང་བཅས་ཕྱིར་བླ་མ་ལ་བསྐུར་བ་ན་ནག་པོ་སྤྱོད་པས་བླ་མ་ལ་རུས་རྒྱན་ཕུལ་བའི་སྔར་ནས་མདུད་རྒྱ་བཤིག་པས་མཆོག་མ་ཐོབ་ཀྱང་རིག་སྔགས་འཆང་ཆེན་པོ་ཡིན་ཕྱིར་བླ་མ་དང་མཁའ་འགྲོས་གནང་སྟེ་སློབ་མ་ཅི་རིགས་རྗེས་སུ་བཟུང་ནས་དངོས་གྲུབ་སྣ་རེ་བྱིན་པས་བུ་སློབ་རྣལ་འབྱོར་པ་སོ་ལྔ་དང་རྣལ་འབྱོར་མ་སོ་བདུན་ཙམ་ཡོད། དེ་ནས་སྐབས་ཤིག་ན་སློབ་དཔོན་ནག་པོ་རང་ལ་ཕ་རོལ་པོ་བསད་པ་དང་། གསོ་བ་དང་། རེངས་པ་དང་། ལྟུང་བ་དང་། དགུག་པ་ལ་སོགས་པའི་ལྟ་སྟངས་ཁྱད་པར་ཅན་གྲུབ་པ་ན་བླ་མ་ཛ་ལནྡྷ་རི་པས་སྔར་མཁའ་འགྲོའི་བྱིན་གྱིས་བརླབས་པའི་རུས་རྒྱན་གནང་སྟེ་ཁྱོད་རིག་པའི་བརྟུལ་ཞུགས་ཀྱི་སྤྱོད་པ་གྱིས་ཤིག འོན་ཀྱང་ཡུལ་དེ་ཝི་ཀོ་ཊར་མ་འགྲོ་ལྷག་མ་དུར་ཁྲོད་བརྒྱད་དང་ཡུལ་ཆེན་དུ་རྒྱུ་ཚེ་གདུགས་བདུན་འཛིན་མེད་དུ་འཁོར། ཊཱ་མ་རུ་བདུན་འཁྲོལ་པ་པོ་མེད་པར་ཡང་འཁྲོལ། རེས་འགའ་ཞབས་ཁྲུ་གང་གིས་ས་ལ་མི་རེག་པར་བཞུད། རེས་རོ་ལངས་མེ་ཏོག་གི་འཕྲེང་བ་ཅན་ལ་ཆིབས། ལྟ་སྟངས་བརྒྱད་དམ་བཅུའི་སྒོ་ནས་ཉིན་རེ་བཞིན་སེམས་ཅན་མང་པོའི་དོན་མཛད། དུས་ལན་འགའ་ན་གདུགས་དང་ཌཱ་མ་རུ་བདུན་བརྒྱ་རེ་འཕེལ། འཁོར་ཚོགས་རྣམས་ཀྱང་ཆོ་འཕྲུལ་དང་བཅས་པས་བཞུད་པ་དང་བཞུགས་པར་མཛད། སྤྱོད་པ་དེ་འདྲའི་སྒོ་ནས་དུར་ཁྲོད་དང་ཡུལ་ཆེན་རྣམས་སུ་བགྲོད་དེ་འགྲོ་དོན་རྒྱ་ཆེར་བྱས་ཟིན་སྐབས་རིམ་གྱི་ཡུལ་དེ་ཝི་ཀོ་ཊར་བྱོན། དེར་ཕྲ་མེན་མ་མུ་སྟེགས་ཀྱི་མཁའ་འགྲོ་མ་བ་ཧཱུ་རི་ཞེས་པས་རིགས་སྔགས་བཟླས་ཤིང་ལྟ་སྟངས་བྱས་པས་སློབ་དཔོན་སྐུ་བསྙུང་སྟེ་འདས་ཚུལ་བསྟན། བར་དོར་མཆོག་གི་དངོས་གྲུབ་བསྒྲུབས་ཏེ་སླར་རྫུ་འཕྲུལ་ཆེན་པོས་གདུལ་བྱ་འདུལ་བའི་ཆེད་སྐུའི་སྣང་བ་མངོན་དུ་བསྟན་ནས་མང་པོར་བྱོན་ནོ། །
རཱ་ཏན་བྷ་ལ་རིན་ཆེན་རྒྱ་མཚོ།
གསུམ་པ་རཱ་ཏན་བྷ་ལ་ནི་ཡུལ་ཛྷ་རི་ཁཎྚའི་གནས་སུ་རཱ་ཏ་ན་པུ་ར་ཞེས་པའི་དྲུང་དུ་ཡབ་མ་ཎི་ཀ་པིར་ཝ་དང་ཡུམ་རཏྣ་ཝཏིའི་སྲས་སུ་རྒྱལ་རིགས་ཀྱི་རྣམ་པར་སྐུ་འཁྲུངས། དེ་ཡང་སྔོན་བླ་མ་ཛ་ལནྡྷ་རི་པའི་དྲུང་དུ་ནག་པོ་སྤྱོད་པར་སྐྱེས་སྐབས་བླ་མའི་དམོད་པ་ལ་བརྟེན་ནས་རྐྱེན་འགའ་ཞིག་གིས་ད་ལྟ་རྒྱལ་པོའི་སྐྱེ་བའི་དུས་སེམས་བརྣག་ཚུལ་བསྟན་ཏེ་ཡུལ་དེའི་ཛོ་གི་མ་ལུས་པ་གང་ན་འདུག་བཀུགས་ནས་མིས་གཉེར་བཅག་བྱས་ཏེ་ས་འབའ་ཞིག་སྐོར་བཅུག་གོ །དེར་གོ་རཀྵའི་ཏིང་ངེ་འཛིན་གྱིས་ཤེས་ནས་ཧ་ལས་ཏེ་རྒྱལ་པོ་འདུལ་བའི་ཕྱིར་བྱོན་ཏེ་ཐུགས་ལ་གྲུབ་ཐོབ་ཀུན་གྱི་སློབ་མ་ཡང་བློ་རྨོངས་རྒྱལ་པོས་བྲན་དུ་བྱས་འདུག་དགོངས་ནས་རྒྱལ་པོ་དེའི་སྒོར་ཁྲོས་ཏེ་བཞུགས་པས་ཡུལ་དེའི་གླང་པོ་ཆེ་དང་། རྟ་སོགས་ཀྱིས་རྩྭ་མི་ཟ། བུ་ཆུང་ཀུན་གྱིས་འོ་མ་མི་འཐུང་ངོ་། །དེ་ནས་རྒྱལ་པོས་གོ་རཀྵ་ནུས་མཐུ་ཆེ་བའི་གྲུབ་ཐོབ་ཆེན་པོ་ཡིན་པར་ཤེས་ནས་སྔོན་དུ་བཙུན་མོས་གྲུབ་ཆེན་གྱི་ཞབས་ལ་ཕྱག་འཚལ་བས་བཞད་དེ་དང་པོར་བཙུན་མོ་ལ་མུ་དྲ་སྦྱིན། དེ་ནས་རྒྱལ་པོས་ཕྱག་འཚལ་གནོང་འགྱོད་བྱས་རྗེས་སུ་རྒྱལ་པོ་ལ་ཥེ་ཙ་རིའི་མུ་དྲ་སྦྱིན་ཏེ་མིང་རཱ་ཏན་བྷ་ཧུ་ལར་བཏགས། ཛོ་གི་ཀུན་གྱིས་ཕྱག་བྱས་གོ་རཀྵའི་ཕྱག་རྒྱལ་པོའི་མགོ་ལ་བཞག་པའི་མོད་སྐད་ཅིག་དེ་ཉིད་དུ་རྒྱལ་པོ་གྲུབ་པ་ཐོབ་སྟེ་གྲུབ་རཱ་ཏན་བྷ་ཧུ་ལར་གྱུར་པའི་ཚུལ་བསྟན་ཏོ། །ས་རྐོ་སར་མཚོ་བྱུང་བའི་མིང་ལ་རིན་ཆེན་རྒྱ་མཚོར་གྲགས་སྐད།
རོང་ཟོམ་ཆོས་བཟང་།
བཞི་བ་རོང་ཟོམ་ཆོས་བཟང་(སྔ་འགྱུར་རྙིང་བཀའ་བ)ནི། བོད་རུ་བཞིའི་ནང་ནས་གཙང་རུ་ལག་སྨད་ཀྱི་སྣར་ལུང་རོང་དུ། ཡབ་རོང་བན་རིན་ཆེན་ཚུལ་ཁྲིམས་ཞེས་པའི་སྲས་སུ་འཁྲུངས། ཆུང་ངུ་ནས་རྒྱ་གར་སྐད་ཀྱིས་ཆོས་ཚིག་གསལ་བོར་གསུང་བ་རང་གི་མེས་པོ་རོང་བན་ཡོན་ཏན་རིན་ཆེན་གྱིས་པཎྜི་ཏ་སྨྲྀ་ཏི་ཛྙཱ་ནའི་སྐྱེ་བར་ལུང་བསྟན། ཇོ་བོ་རྗེ་ལྷ་ཅིག་དང་རོང་གི་ཆུ་ཚན་ཁར་མཇལ་སྐབས་ཉིད་ཀྱི་ཕྱག་མགོ་ལ་བཞག་ནས་ལེགས་སྦྱར་སྐད་ཀྱིས་དྲི་བ་གང་མཛད་ཀུན་ལ་ལན་ཐོགས་མེད་བཏབ་པས་ཇོ་བོ་རྗེས་ཐུགས་ངོ་མཚར་བའི་ངང་ནས་ནག་པོ་སྤྱོད་པའི་སྐྱེ་བར་ལུང་གསལ་བར་བསྟན་ནོ། །དེ་ནས་དགུང་ལོ་བཅུ་གཅིག་ནས་མཚན་ཉིད་ཀྱི་ལུང་ཆོས་སྦྱངས་པས་བཅུ་གསུམ་མན་གྱིས་གསན་པ་རྫོགས་ཏེ་ཤེས་བྱ་ཐམས་ཅད་ལ་མ་རྨོངས་པར་གྲགས། ཡང་མགར་སྟོན་ཚུལ་ཁྲིམས་བཟང་པོ་དང་མདོ་སྟོན་སེང་གེ་རྒྱལ་མཚན་པའི་དྲུང་ནས་ཆོས་གསན་སྐབས་རེ་ཞིག་མནལ་ལམ་དུ་རྒྱུད་གསང་བ་སྙིང་པོས་ཟན་བྱས་སངས་རྒྱས་མཉམ་སྦྱོར་གྱིས་ཚོད་མ་བྱས་ནས་གསོལ་བར་རྨིས་པ་སློབ་དཔོན་ལ་ཞུས་པས་དེ་གཉིས་ཁོང་དུ་ཆུད་པའི་རྟགས་སུ་གསུངས། (མ་ཡིག་བྲིས་མར། གཞན་ཡང་བླ་མ་གཙོ་ཆེ་བ་རྗེ་འབངས་ཉེར་ལྔའི་གྲས་བྲེ་རྒྱལ་བའི་བློ་གྲོས་ཀྱི་གདམས་ངག་ལ་བརྟེན་པ་ཁོ་ནའོ། །)འདི་སྐོར་དུ་ཡུལ་མིས་འཚར་གཏམ་སྒྲོག་པ། མུལ་པ་མཚུར་སྟོན་ཡི་གེ་མཁས། །མཚར་བའི་ངང་ནས་ནག་པོ་སྤྱོད་པའི་སྐྱེ་བར་ལུང་གསལ་བར་བསྟན་ནོ། །དེ་ནས་དགུང་ལོ་བཅུ་གཅིག་ནས་མཚན་ཉིད་ཀྱི་ལུང་ཆོས་སྦྱངས་པས་བཅུ་གསུམ་མན་གྱིས་གསན་པ་རྫོགས་ཏེ་ཤེས་བྱ་ཐམས་ཅད་ལ་མ་རྨོངས་པར་གྲགས། ཡང་མགར་སྟོན་ཚུལ་ཁྲིམས་བཟང་པོ་དང་མདོ་སྟོན་སེང་གེ་རྒྱལ་མཚན་པའི་དྲུང་ནས་ཆོས་གསན་སྐབས་རེ་ཞིག་མནལ་ལམ་དུ་རྒྱུད་གསང་བ་སྙིང་པོས་ཟན་བྱས་སངས་རྒྱས་མཉམ་སྦྱོར་གྱིས་ཚོད་མ་བྱས་ནས་གསོལ་བར་རྨིས་པ་སློབ་དཔོན་ལ་ཞུས་པས་དེ་གཉིས་ཁོང་དུ་ཆུད་པའི་རྟགས་སུ་གསུངས། (མ་ཡིག་བྲིས་མར། གཞན་ཡང་བླ་མ་གཙོ་ཆེ་བ་རྗེ་འབངས་ཉེར་ལྔའི་གྲས་བྲེ་རྒྱལ་བའི་བློ་གྲོས་ཀྱི་གདམས་ངག་ལ་བརྟེན་པ་ཁོ་ནའོ། །)འདི་སྐོར་དུ་ཡུལ་མིས་འཚར་གཏམ་སྒྲོག་པ། མུལ་པ་མཚུར་སྟོན་ཡི་གེ་མཁས། །གི་སྲོག་སྙིང་ཕུལ། བྲག་གཟར་བའི་ངོས་ལ་གཤེགས་བཞུད་སོགས་རྫུ་འཕྲུལ་དུ་མ་བསྟན། སྐུ་ཚེའི་སྨད་ལ་ལེགས་སྦྱར་སྐད་ཁོ་ན་གསུངས་ཤིང་རང་གི་སྲས་མོ་ཡེ་ཤེས་མཁའ་འགྲོ་དགུང་ལོ་བཅུ་དྲུག་ཏུ་རྒྱུད་བཤད་གནང་བཞིན་སྐུ་ལུས་དངོས་ཀྱིས་མཁའ་སྤྱོད་དུ་གཤེགས་པ་སོགས་ངོ་མཚར་བ་མང་ངོ་། །
བྷ་རོམ་དར་མ་དབང་ཕྱུག
ལྔ་བ་བྷ་རོམ་དར་མ་དབང་ཕྱུག་(མར་བ་བྷ་རོམ་བཀའ་བརྒྱུད་)ནི། འཕན་ཡུལ་རིག་པའི་འབྱུང་གནས་སུ་ཡབ་སྟོན་པ་བློ་གྲོས་འབྱུང་གནས་དང་། ཡུམ་ཇོ་མོ་ཆུང་མ་ཞེས་པའི་སྲས་སུ་ལུག་གི་ལོར་འཁྲུངས། དགུང་ལོ་བདུན་པའི་སྐབས། བུད་མེད་མཁའ་འགྲོའི་རྟགས་མཚན་ཅན་ཞིག་གིས་ང་ཡང་དྭགས་པོ་ལྷ་རྗེའི་སློབ་མ་ཡིན་བླ་མ་དེ་དང་ཁྱོད་ལ་ལས་ཀྱི་འབྲེལ་བ་འདུག་ཅེས་ཟེར་བ་དངོས་སུ་བྱུང་། ཤར་ཕྱོགས་ནས་འོད་དཀར་པོ་ཞིག་སྙིང་གར་ཐིམ་པར་རྨིས། ལོ་བརྒྱད་ལ་མཁན་དར་མ་སེང་གེ་དང་སློབ་དཔོན་དབང་ཕྱུག་གཞོན་ནུ་ལས་རབ་ཏུ་བྱུང་མཚན་ཡང་མཁན་སློབ་མཚན་གྲས་དར་མ་དབང་ཕྱུག་ཏུ་བཏགས། སློབ་དཔོན་དབང་གཞོན་པས་ཤུད་བུ་ལོ་ཙཱ་ནས་བརྒྱུད་པའི་མགོན་པོ་གྲི་གུག་མའི་གཏོར་དབང་བསྐུར། ཆོས་སྐྱོང་འདི་ང་ལས་ཁྱོད་ལ་ངེས་པར་འགོ་ཞིང་བསྲུང་སྐྱོབས་ཆེ་གསུང་། ལོ་བཅུ་གཅིག་དུས་དགེ་བཤེས་བྱ་ཡུལ་བ་མཁན་བུ་དགོན་གསར་དུ་རྟེན་གྱི་རབ་གནས་ལ་བྱོན་སྐབས་བཀའ་གདམས་ལྷ་བཞིའི་སྒོམ་ལུང་ཞུས། དགེ་བཤེས་པོ་ཏོ་བའི་དངོས་སློབ་གྲུམ་བུ་ལུང་པའི་དྲུང་དུ་བྱམས་ཆོས་ལྔ་དང་བསླབ་བཏུས་སྤྱོད་འཇུག་ལ་སྦྱངས་པས་ཐུགས་སུ་ཆུད། སྐྱེས་བུ་གསུམ་གྱི་ཁྲིད་ཀྱང་མནོས་སྔར་གྱི་མཁན་པོའི་སྤྱན་སྔར་འདུལ་བ་སྦྱངས་པས་ལེགས་པར་དགོངས། དེར་བྱིས་པའི་དུས་ཀྱི་མོས་བློའི་ཉམས་སད་ནས་ད་ནི་གང་གིས་དགོས་པ་མེད་པར་བླ་མ་དྭགས་པོ་ལྷ་རྗེ་ལ་སྒོམ་ཞིག་ཞུ་སྙམ་པའི་ཐུགས་འདུན་དྲག་པོས་རི་བྲག་ཏུ་གཤེགས་པས་གངས་ཕྲུག་རྣལ་འབྱོར་བ་སྐྲ་ཕུར་ཁ་ཡོད་པའི་གཞོན་པ་ཞིག་གང་ནས་འོང་ཆ་མེད་པར་བྱུང་བ་ང་ལ་རྒྱུ་མཚན་དྲིས་པས་ང་དྭགས་པོ་ནས་ཡོངས། བླ་མ་ལྷ་རྗེའི་སློབ་མ་ཡིན་ཟེར་བས། འོ་ན་རང་ཁྱེད་ཀྱིས་ཁྲིད་རོགས་མཛོད་བྱས་པས། སྟོན་ཆུང་ཁྱོད་ངའིི་བླ་མའི་གདུལ་བྱར་སྣང་བས་མྱུར་དུ་མཇལ་འོང་ཟེར་ནས་གར་སོང་ཆ་མེད་ཡལ་སོང་བས་ཡིད་བསྐུལ་ཏེ་ལོ་ཉེར་གཅིག་གི་དུས་སུ་བླ་མའི་དྲུང་དུ་སླེབས། དེར་བླ་མས་ཚེས་བཅུའི་ཚོགས་མཆོད་མཛད་པའི་སྐབས་དང་ཐུག ནང་དུ་བོས་ནས་ཞལ་མཇལ་བའི་མོད་ལ་བདེ་གསལ་གྱི་ཏིང་ངེ་འཛིན་མང་པོ་རང་ཤུགས་ཀྱིས་འཁྲུངས། བླ་མའི་གསུང་གིས། ཁྱོད་ཀྱིས་ཁྲིད་པས་ལེགས་པར་དགོངས། དེར་བྱིས་པའི་དུས་ཀྱི་མོས་བློའི་ཉམས་སད་ནས་ད་ནི་གང་གིས་དགོས་པ་མེད་པར་བླ་མ་དྭགས་པོ་ལྷ་རྗེ་ལ་སྒོམ་ཞིག་ཞུ་སྙམ་པའི་ཐུགས་འདུན་དྲག་པོས་རི་བྲག་ཏུ་གཤེགས་པས་གངས་ཕྲུག་རྣལ་འབྱོར་བ་སྐྲ་ཕུར་ཁ་ཡོད་པའི་གཞོན་པ་ཞིག་གང་ནས་འོང་ཆ་མེད་པར་བྱུང་བ་ང་ལ་རྒྱུ་མཚན་དྲིས་པས་ང་དྭགས་པོ་ནས་ཡོངས། བླ་མ་ལྷ་རྗེའི་སློབ་མ་ཡིན་ཟེར་བས། འོ་ན་རང་ཁྱེད་ཀྱིས་ཁྲིད་རོགས་མཛོད་བྱས་པས། སྟོན་ཆུང་ཁྱོད་ངའིི་བླ་མའི་གདུལ་བྱར་སྣང་བས་མྱུར་དུ་མཇལ་འོང་ཟེར་ནས་གར་སོང་ཆ་མེད་ཡལ་སོང་བས་ཡིད་བསྐུལ་ཏེ་ལོ་ཉེར་གཅིག་གི་དུས་སུ་བླ་མའི་དྲུང་དུ་སླེབས། དེར་བླ་མས་ཚེས་བཅུའི་ཚོགས་མཆོད་མཛད་པའི་སྐབས་དང་ཐུག ནང་དུ་བོས་ནས་ཞལ་མཇལ་བའི་མོད་ལ་བདེ་གསལ་གྱི་ཏིང་ངེ་འཛིན་མང་པོ་རང་ཤུགས་ཀྱིས་འཁྲུངས། བླ་མའི་གསུང་གིས། ཁྱོད་ཀྱིས་ཁྲིད་མའི་ཐུགས་རྗེས་ཁྱི་སྨྱོན་གྱི་རིག་པ་སོར་ཆུད་པ་སོགས་ངོ་མཚར་བའི་ལོ་རྒྱུས་ཡོད། དེ་ནས་བླ་མའི་ཞལ་ནས་ཁྱོད་ལ་དགོས་པའི་ཆོས་ཐམས་ཅད་གདམས་ཟིན་ད་ནི་བྱང་འབབ་རོང་གི་རི་ཁྲོད་དེར་སྒྲུབ་པ་ཀྱིས་གསུངས་ནས་གསེར་སྲང་གང་རེ་དང་དཔེ་ཆ་བཅའ་ལག་སོགས་གང་དགོས་གནང་ཡང་། སྐུ་བཞུགས་རིང་གར་ཡང་མི་འགྲོ་ཞུས། འོ་ན་ཞགས་སུམ་ཅུ་རྩ་གསུམ་བར་ཕ་བུ་ལྷན་དུ་སྡོད། དེ་ནས་ཁོ་བོས་འདས་མཆོད་རི་ཁྲོད་དུ་སྒྲུབ་པ་ལ་རེམ་གསུང་། དེ་བར་བསྡད་པས་རིན་པོ་ཆེའི་སྐུ་ཡལ། དེ་ནས་དགུང་ལོ་ཉེར་བརྒྱད་ནས་བླ་མའི་བཀའ་བཞིན་བྱང་འབབ་རོང་དུ་ཚེ་དང་སྒྲུབ་པར་མཉམ་པར་བྱས་ནས་རྒྱགས་སྐྱེལ་མཁན་མིན་པ་སུས་ཀྱང་མི་མཐོང་བར་སྒྲུབ་པ་མཛད། ཐུགས་བྱམས་པའི་སྟོབས་ཀྱིས་རི་དྭགས་བྱ་རིགས་སོགས་ཀྱིས་གུས་འདུད་འབུལ་ཞིང་། སྟག་ལུང་པ་དང་། འབྲི་གུང་པ་སོགས་དམ་པ་མང་པོས་བསྙེན་བཀུར་མཛད། མ་མཁའ་འགྲོས་རྟག་པར་རྗེས་སུ་བཟུང་བ་གང་གི་ཚེ་དགུང་ལོ་དོན་གསུམ་ལུག་ལོའི་གཉིས་པའི་ཚེས་གཉིས་ཀྱི་ནམ་ཕྱེད་ལ་ངོ་མཚར་བ་བཅས་སྐུ་གཤེགས་སོ། །
ཨ་ཝ་དྷཱུ་ཏཱི་འོད་ཟེར་དཔལ།
དྲུག་པ་ཨ་ཝ་དྷཱུ་ཏཱི་འོད་ཟེར་དཔལ(ཤངས་པ་བཀའ་བརྒྱུད་)ནི། གཙང་ཉང་སྟོད་གནས་རྙིང་གི་གཙུག་ལག་ཁང་ལས་ཅུང་ཞིག་ཕྱིན་པ་ཡོལ་ཞེས་པའི་རི་ཁྲོད་དུ་ཨ་ཝ་དྷཱུ་ཏཱིའི་ཚུལ་འཛིན་རྣལ་འབྱོར་པ་མཛེ་སྐྱས་ལུས་བཏབ་པ་སློང་མོའི་འཚོ་བས་ཆོག་ཤེས་པ་ཞིག་ཏུ་འཁྲུངས། ཁྱུང་བོའི་རྣལ་འབྱོར་བས་ཆོས་སྐྱོང་གི་མངའ་དབང་བསྐུར་བ། ལ་སྟོད་པ་དཀོན་མཆོག་མཁར། ཞེས་པའི་དྲུང་ནས་གདམས་པ་དང་རྗེས་གདམས་ཀྱི་སྒོ་དུ་མ་ནོད་པའི་རྣལ་འབྱོར་གྱི་དབང་པོ་ཉིན་པར་སློང་མོར་རྒྱུ་བའི་ཚུལ་དང་ནུབ་མོར་བྲག་སྐྱིབས་གང་ཡིན་དུ་གཟིམས་པས་ནང་ཡང་དག་རྣལ་འབྱོར་མཆོག་གིས་དུས་འདའ་བར་གྱུར་ཏོ། །དེའི་ཚེ་བླ་ཆེན་གྲགས་པ་རྒྱལ་མཚན་གྱི་སྲས། གསལ་བ་དབང་ཕྱུག་གྲགས། ནུབ་པ་རིག་འཛིན་གྲགས། བནྡྷེ་བཤེས་གཉེན་གྲགས། དཀར་ཤཱཀྱ་གྲགས་སྟེ་བཞི་ལས། མཆེད་སྔ་མ་གསུམ་གྱིས་སྐུ་འདྲ་རེ་བཞེངས་ནས་བླ་ཆེན་པས་རབ་གནས་ཀྱང་མཛད། དེར་དཀར་གྱིས་སྐུ་འདྲ་བཞེངས་པར་བརྩམས་ན་བླ་ཆེན་པས་ད་དུང་ནང་གཞུག་ཁྱད་པར་ཅན་གྱི་དུས་ལ་མ་བབ་གསུངས་ནས་རེ་ཞིག་བཟློག །ཕྱིས་ཨ་ཝ་དྷཱུ་ཏཱི་པ་སྐུ་འདས་པ་ན་བླ་ཆེན་པས་དཀར་ལ་ད་ཁྱོད་ཀྱིས་སྐུ་འདྲ་བཞེངས་དགོས་པའི་དུས་ལ་བབ་སྟེ། ཁྱོད་ཉང་སྟོད་ཕྱོགས་སུ་སོང་དང་དེའི་རི་སུལ་ཞིག་ན་ནག་པོ་སྤྱོད་པས་འགྲོ་དོན་དུ་མཛེ་བོའི་ལུས་གཟུགས་བཟུང་ནས་ཡོད་པ་ད་ལྟ་འདས་སོང་བས་དེའི་དབུ་ཐོད་བྲེག་སྟེ་ལོང་ཤིག འདིར་རྟེན་གྱི་ནང་གཞུག་ཏུ་སྔར་ནས་དམིགས་པ་ཉིད་དོ། །ཅེས་ལུང་བསྟན་པ་ལྟར་དབུ་ཐོད་བླངས་ནས་བླ་ཆེན་པའི་ཕྱག་ཏུ་གཟིགས་ཚེ་ཐོད་པར་བདེ་མཆོག་ལྷ་རེ་གཉིས་པའི་དཀྱིལ་འཁོར་ཡོངས་རྫོགས་གསལ་བར་དོད་འདུག་པ་དེ་སྐུ་འདྲའི་ཐུགས་ཀར་གཞུག་གོ་ཞེས་གྲགས་སྐད།
ཞང་སྟོན་འབྲུག་སྒྲ་རྒྱལ་མཚན།
བདུན་པ་ཞང་སྟོན་འབྲུག་སྒྲ་རྒྱལ་མཚན་(རྙིང་མ་བ)ནི། ལྷོ་འབྲི་མཚམས་ཀྱི་གནས་སུ་ཞང་སྔགས་རཏྣའི་མིང་ཅན་དང་། ཡུམ་སྲས་སྐྱེས་སྨན་ཞེས་པའི་ལྷུམས་སུ་སྐུ་བལྟམས་ཡབ་ཡུམ་གྱི་རྨི་ལྟས་བཟང་པོ་སོགས་ངོ་མཚར་བ་མང་། སྐུ་འཁྲུངས་དུས་ནམ་མཁའ་ལས་གློག་འོད་དང་འབྲུག་སྒྲ་སྒྲོགས་པས་ཡབ་ཀྱིས་མཚན་འབྲུག་སྒྲ་རྒྱལ་མཚན་དུ་གསོལ། དེར་ཡབ་རང་གིས་ཡི་དམ་གཤིན་རྗེ་དུས་དགྲ་ནག་པོའི་དབང་བསྐུར། བསྐྱེད་རྫོགས་ཀྱང་གནང་བས། བཟླས་སྒོམ་མཛད་པས་དུས་དགྲའི་སྐུའི་རྣམ་པ་དངོས་སུ་གཞན་གྱིས་མཐོང་ཞིང་། མིའི་བཟའ་བཏུང་ལ་ལྟོས་པ་མེད་པར་ལྷ་མོ་དམག་ཟོར་མས་བྱང་ཤར་མུ་ལེ་ཏིང་གི་བདུད་རྩི་གནང་བ་ལ་ཞལ་ཟས་མཛད་པས་འཚོ་བ་ཞིག་གོ །དེ་ནས་ཡབ་ཡུམ་གྱི་བཀས་སྐྱིད་པ་འཛོམ་ཞེས་པའི་ཇོ་མོ་ཞིག་ཁབ་ཏུ་བཞེས། ཡང་ཟར་བྱང་ཕུག་གི་ཇོ་བོ་ལ་བསྐོར་ཚེ་ལྷ་བཙན་གྱིས་ལྷོ་ཁ་བཞིའི་འདྲེ་དམག་བསྡུས་ཏེ་བར་ཆེ་བརྩམས་པ་ན་དུས་དགྲའི་སྐུས་དེ་དག་དབང་དུ་བསྡུས་ནས་སྲོག་སྙིང་སོ་སོར་ཐུལ། ཇོ་བོས་ལུང་བསྟན་ལྟར་ཟར་གྱི་སྐྱེ་འགྲོའི་མདངས་སྲོག་འཕྲོག་བྱེད་ཀྱི་ཕྲ་མེན་མ་དཔོན་གཡོག་དྲག་པོ་མངོན་སྤྱོད་ཀྱིས་བཏུལ་ནས་ཞིང་ཆེན་ལྤགས་པས་མཁར་རྔ་དགོན་གྱི་ལྷ་མོའི་སྐུའི་སྟེང་ན་བླ་བྲེ་བྱས་སྐད། སླར་རང་ཡུལ་དུ་ཆང་གཏེར་གྱི་སྦྱོར་བ་སོགས་རྫུ་འཕྲུལ་གྱིས་འགྲོ་དོན་མཛད། མཐར་ས་སྐྱའི་བླ་བྲང་བྲོག་ཁར་དུ་གདན་ཕབས་ནས་འགྲོ་དོན་བཅས་དེ་ཉིད་དུ་འདས་པ་ཡིན་ཞེས་གླེང་ངོ་། །
གཉོས་ལྷ་ནང་པ་སངས་རྒྱས་རས་ཆེན།
བརྒྱད་པ་གཉོས་ལྷ་ནང་པ་སངས་རྒྱས་རས་ཆེན་(འབྲི་གུང་བཀའ་བརྒྱུད)ནི། ཁ་རག་གཉོས་གྲགས་པ་དཔལ་གྱི་སྲས་སུ་ངོ་མཚར་ལྟས་བཅས་འཁྲུངས། ཡབ་གསང་སྔགས་ལ་མཁས་པས་དབང་མང་བསྐུར་དགུང་ལོ་དྲུག་པར་གཤིན་རྗེའི་གཤེད་ལ་བཤད་པ་མཛད། ལོ་བདུན་དུས་དགེ་བཤེས་གཡོར་གཉེར་གྱི་གྲ་སར་བྱོན་ནས་ཚད་མ་རྣམ་ངེས་གསན། ཟིན་བྲིས་ཅིག་ཀྱང་ཡོད། ལོ་དེར་བླ་མ་ཞིང་གིས་ཡབ་སྲས་གུང་ཐང་དུ་སྤྱན་དྲངས་ཏེ་ཁྲི་ལ་མངའ་གསོལ། དེ་ནས་འབྲི་གུང་བ་དང་མཇལ་ཁོང་གི་བཀའ་ལྟར་དགེ་བཤེས་རྡོར་གཞོན་སོགས་ལ་བསྙེན་རྫོགས་ཞུས་ཏེ་བསླབ་བྱ་ཕྲ་རགས་ལ་མཁས་པར་མཛད། སླར་འབྲི་གུང་དུ་བྱོན་ནས་འབུལ་བའི་མཎྜལ་བཅས་མཐར་ཕྱིན་ལྔ་ལྡན་གྱི་ཁྲིད་ཕོག་པས་ཆོས་ཉིད་ངོ་བོ་མཉམ་རྗེས་མེད་པར་སྤྲོས་བྲལ་དུ་ངོ་འཕྲོད། དེ་ནས་དགུང་ལོ་བཅུ་གསུམ་སྐོར་ནས་རྒྱ་གར་དུ་ལོ་ཙཱ་བསླབ་འདོད་ཆེ་ནའང་སྔ་ཕྱི་ཀུན་ཏུ་སྟབས་མ་འགྲིག་སླར་ཆོས་རྗེ་འབྲི་གུང་བ་མན་ངག་གི་ཁུངས་སུ་བྱས་ཏེ་གུས་པས་བསྟེན་གཉོས་ཀྱི་ཐོད་པ་རྨ་གུར་གྲགས་པ་དེ་ཡང་དེར་ཕུལ་བས་ཡུལ་སྡེས་ཁ་ཟེར་བ་ཡང་བྱུང་། འབྲི་གུང་གི་ཚོགས་པ་རྒྱ་ཆེན་པོ་ལ་སྔ་ཕྱི་ཀུན་འབུལ་རྟེན་ཆེ་བ་ལན་བཞི་བཀྱག་སྟེ། གསེར་དངུལ་ལྷ་ཆ་མཆོད་རྫས་དར་ཟབ་རྟ་ཕྲུག་ལྤགས་རིགས་ཟས་སྣ་སོགས་འབུལ་བ་རྒྱ་ཆེར་མཛད་པས་ཕྱག་རྟེན་ཚོ་བསྡོམས་པས་གསེར་ཕྱེ་བྲེའི་ཁལ་ཕྱེད་བྱུང་ཞེས་གྲགས་ལ། དེར་དགེ་འདུན་མང་ཚོགས་ཀྱི་གྲངས་ལྔ་ཁྲི་ལྔ་སྟོང་ལྔ་བརྒྱ་ཉེར་ལྔ་འདུག་ཟེར། ཁོང་གིས་རྩིག་པ་སོགས་ཐོགས་མེད་དུ་བྱོན་པ། ཆུ་བོ་རྒྱས་པ་ནུས་མཐུས་ཕྲི་བ། སྦྲང་མ་ཤི་བ་སླར་སོས་པར་མཛད་པ་སོགས་གྲུབ་རྟགས་མང་པོ་བསྟན། བལ་བོ་སོགས་ཡུལ་གྲུ་མང་པོར་ཆོས་ཀྱིས་དབང་བསྒྱུར་སྡིག་རྒྱུན་བཅད་དགེ་བའི་སྲོལ་བཏོད་པ་ཆེས་མང་། ལ་ཕྱི་སོགས་དབེན་གནས་དུ་མར་སྒྲུབ་པ་མཛད་པར་དེར་གསང་འདུས་ལ་བཤད་པ་མཛད་དེ་སློབ་བུ་མཁས་བཙུན་དང་སྟོན་པ་མང་དུ་བྱུང་། དགུང་ལོ་ང་དྲུག་ཏུ་ཐང་ལྷའི་མགུལ་དུ་ཕྱག་ཕེབས་འབྲི་གུང་དང་འདྲ་བའི་དགོན་པ་བཏབ་དེར་འཚོགས་ཀུན་སྨིན་གྲོལ་ལ་བཀོད་ཅིང་འདུལ་བའི་བཅས་ཁྲིམས་ཀྱང་དམ་པོར་མཛད། དེར་ཐུགས་དམ་ལ་བཞུགས་པའི་དགེ་འདུན་ཉིས་སྟོང་བྱུང་ངོ་། །སྤྲེལ་ལོའི་སྟོན་འབྲིང་གི་ཚེས་བརྒྱད་སྔ་དྲོ་ནམ་ལངས་ཀྱི་དུས་སུ་ངོ་མཚར་ད་བཅས་ཞི་བར་གཤེགས། །
ཀུན་མཁྱེན་སཾ་གྷ་བྷ་དྲ།
དགུ་བ་སཾ་གྷ་བྷ་དྲ་(གསར་མ)ནི། ལྷོ་མོན་འབྲི་མཚམས་ལྷ་ལུང་ར་ས་དགོན་པར་ཡབ་སྟོན་པ་མགོན་ཆེན་དང་། ཡུམ་ཆོས་ཉིད་རྒྱན་ཞེས་བྱ་བའི་སྲས་སུ་ལྕགས་ཡོས་ལོར་འཁྲུངས། སྐུ་ཞང་སངས་རྒྱས་དཔལ་ལས་དགེ་བསྙེན་སྒྲུབས། འབྲི་ཀློག་གི་རིགས། རྒྱ་གར། རྒྱ་ནག ཧོར། བལ་བོ། ཁ་ཆེའི་ཡིག་རིགས་རྣམས་དང་། མཁའ་འགྲོའི་བརྡ་ཡིག་གྲངས་མེད། མེ་ཆུའི་ཡིག་གེ། ལྷ་བཟོ། ལྷ་རིས། ཤིང་བརྐོས། དཀྱིལ་འཁོར་བྲི་ཐིག རྩིས་དཀར་ནག སྨན་དཔྱད། སྒྲ་སྙན་ངག་སྡེབ་སྦྱོར་སོགས་དཀའ་ཚེགས་མེད་པར་ཐུགས་སུ་ཆུད་པས་མཚན་ཡང་ཀུན་མཁྱེན་ཞེས་གྲགས། དགུང་ལོ་བཅུ་གསུམ་ནས་ཉེར་གསུམ་བར་གྱི་སྐོར་ལ་རབ་བྱུང་གཞུང་ལུགས་ལ་ཐོས་བསམ་བསྙེན་རྫོགས་བཅས་ལེགས་པར་གསན་པས་དེ་ཀུན་གྱི་སྐབས་བབ་ཀྱི་དོན་མཐའ་དག་བྱང་ཆུབ་ཅིང་དཀར་ལྷ་ཕུག་ཏུ་ཕྱག་རྡོར་འཁོར་ཆེན་ལྷ་བཅོ་བརྒྱད་ཀྱི་བསྐྱེད་རྫོགས་ལ་ཐུགས་དམ་མཛད་སྐབས། ཕག་རི་རིན་ཆེན་སྒང་ན་སྔོན་རྒྱལ་བ་ལྷ་ནང་བས་བཞེངས་ཤིང་རབ་གནས་བགྱིས་པའི་དྲཀྴད་ཀྱི་རིས་བྲིས་ཤིག་ཡོད་པ་དེས་དགོན་གཉེར་ལ་གསུང་བྱོན་ནས་ལྷ་ནང་བ་རང་གི་སྐྱེ་བ་དངོས་ད་ལྟ་དཀར་ལྷ་ཕུག་ཆེན་ན་གསང་བདག་གི་སྒྲུབ་པ་ལ་བཞུགས་ཡོད་སར་རྟེན་ཐང་སྐྱོལ་གསུང་བ་བཞིན་ཕྱག་ཏུ་ཕུལ་བས་གཉོས་ལྷ་ནང་བའི་སྐྱེ་བར་གྲགས། དེ་ནས་མཁན་རིན་རྒྱལ་བ་སོགས་འདུས་བ་བརྒྱ་ཕྲག་ཙམ་ལ་འཁོར་ཆེན་གྱི་དབང་གནང་བས་སྐལ་ལྡན་མང་པོས་ལྷ་གཙོ་འཁོར་དུ་མར་མཐོང་། ཆོས་སྐྱོང་གིས་ཞལ་གཟིགས་ཏེ་ལུང་བསྟན་བཞིན་ལྕམ་དྲལ་གྱི་སྐུ་འདྲ་གསེར་ཟངས་ལས་བཞེངས་ཤིང་ངོ་མཚར་རྟགས་བཅས་རབ་གནས་མཛད། སྐུ་ཞང་གཤེགས་པའི་དགོངས་རྫོགས་རྟེན་བཞེངས་མཆོད་པ། སྦྱིན་གཏོང་སོགས་རྒྱ་ཆེར་བྱས། དེ་ཕྱིན་དགོན་བྲག་དཀར་དུ་འདུས་པའི་ཚོགས་མང་པོ་ལ་བཀའ་གདམས་གཞུང་དྲུག་སོགས་དབང་ལུང་མན་ངག་བཤད་ཁྲིད་མཐའ་ཡས་པས་གདུལ་བྱ་མི་དང་མི་མིན་གྱི་སེམས་ཅན་མང་པོའི་དོན་མཛད། དེ་ནས་བ་རི་སྐུ་མཆེད་ལ་ཆོས་བཀའ་ཡང་བསྩལ། དགུང་ལོ་རེ་དགུར་ཞབས་ཅུང་ཟད་བསྙེལ་མུ་ནས་ས་ཕག་རྟ་ཟླའི་ཚེས་གཅིག་ལ་བརྒྱུད་འཛིན་སངས་རྒྱམ་རྒྱལ་ཚབ་ཏུ་དབང་བསྐུར་ཏེ་ངོ་མཚར་བཅས་སྐུ་འདས་སོ། །
འཇམ་དབྱངས་ཆོས་རྗེ།
བཅུ་པ་འཇམ་དབྱངས་ཆོས་རྗེ་(དགེ་ལུགས་པ)ནི། བསམ་ཡས་སུ་མ་གྲུབ་གླིང་བའི་ཞལ་ངོར་ལུག་ལོ་ལ་བལྟམས། རང་གི་མནལ་ལམ་དུ་མཁའ་འགྲོས་གཉོས་ལྷ་ནང་པ་སོགས་སྐྱེ་བརྒྱུད་མང་པོ་ལུང་བསྟན། རྩེ་ཐང་དུ་རབ་ཏུ་བྱུང་། གསང་ཕུ་དང་སྐྱོར་མོ་ལུང་དུ་ཕར་ཚད་འདུལ་མངོན་རྣམས་ལ་མཁས་བར་སྦྱང་། དགའ་ལྡན་དུ་རྗེ་ཙོང་ཁ་བའི་དྲུང་ནས་དྲང་ངེས་རྣམ་འབྱེད་གསང་འདུས་འགྲེལ་བཤད་སོགས་མདོ་སྔགས་ཀྱི་ཟབ་ཆོས་མང་པོ་དང་བསྙེན་རྫོགས་བཅས་ཞུས་ཏེ་སྐུ་ཡོན་ཏན་གྱི་རྒྱ་མཚོར་གྱུར། ཆོས་སྐྱོང་གནས་ཆུང་གིས་དགེ་འདུན་སྟོང་ཕྲག་ལྔའི་དངོས་གྲུབ་བཅས་ལུང་བསྟན་པ་ལྟར་ཆོས་སྡེ་དཔལ་ལྡན་འབྲས་སྤུངས་བཏབ། པོ་ཏི་བརྒྱ་དང་སུམ་ཅུ་ལ་ཐུགས་བཤད། ཉིན་རེ་བཞིན་གསང་སྔགས་ཀྱི་ཆོ་ག་དང་བསྙེན་པ་གྲངས་མང་ཞལ་འདོན་མཛད། འཇམ་དབྱངས་ཀླུ་སྒྲུབ་ཞི་འཚོ་རྗེ་རིན་པོ་ཆེ་རྣམས་ཀྱི་གཟིགས་སྣང་བརྒྱུད་མར་བྱུང་ཞིང་རླུང་འོད་ཟེར་ལྔ་བའི་ཁ་དོག་མཐོང་བ་སོགས་ངོ་མཚར་བའི་ལོ་རྒྱུས་མང་ལ་དགུང་ལོ་དོན་གཅིག་པ་སྦྲུལ་ལོའི་བཞི་པའི་ཚེས་བཅོ་བརྒྱད་ལ་ཞི་བར་གཤེགས།
པཎྚི་ཏ་ཆོས་ཀྱི་ཉིན་བྱེད།
བཅུ་གཅིག་པ་ཆོས་ཀྱི་ཉིན་བྱེད་ནི། སིང་གྷ་ལའི་རྒྱ་མཚོའི་ཕ་རོལ་ཡུལ་གྲུ་བཟང་པོར་ཡབ་པྲ་ཧྨ་ཤྲི་ཛ་ཏི་དང་། ཡུམ་པདྨ་ཞེས་པའི་སྲས་སུ་བལྟམས། པཎྜི་ཏ་མིའི་ཉི་མ་སོགས་ལ་རབ་བྱུང་བསྙེན་པར་རྫོགས། མིའི་ཉི་མས་ཡི་དམ་རལ་གཅིག་མ་ཉམས་བཞེས་སུ་སྩལ་པས་རི་བོ་བྱ་རྩེར་བསྒྲུབས་པས་ཞལ་བསྟན་ཏེ་ཕྱིས་རི་བོ་རྩེ་ལྔར་འབྱོར་པའི་ལུང་བསྟན། དབུས་གྱུར་རྡོ་རྗེ་གདན་སོགས་གནས་རྣམས་མཇལ་ཏེ་མུ་སྟེགས་ཀྱི་རྒོལ་བ་འགའ་ཚར་བཅད། དགུང་ལོ་ཉེར་གསུམ་ཡི་དམ་གྱི་ལུང་བསྟན་ལྟར་རི་བོ་རྩེ་ལྔར་བྱོན་པས་འཇམ་དཔལ་གྱིས་རྒྱུད་བྱིན་གྱིས་བརླབས། དེ་ནས་བོད་ཀྱི་ཚོང་བ་མང་པོའི་ཞབས་འབྲང་སྟེ་བྱང་སྟག་ལུང་དུ་ཕེབས། ངག་དབང་གྲགས་དང་མཇལ་ལོ་གཅིག་བཞུགས་ཏེ། སྟག་ལུང་པས་ཞབས་ཏོག་བགྱིས་ཏེ་ཀརྨ་ཆོས་གྲགས་རྒྱ་མཚོའི་སྤྱན་སྔར་ཕེབས་ཇོ་བོ་ལ་བསྟོད་བཤགས་བསྐོར་བ་མང་དུ་མཛད། པོ་ཏ་ལར་བཞུགས་གནས་མཛད་དེ་རྒྱ་གར་ལུགས་ཀྱི་དཀྱིལ་འཁོར་ཐིག་རྩ་སྤེལ། དེ་ནས་གོང་དཀར་དང་གཙང་ལ་བརྒྱུད་ནས་གསེར་མདོག་ཅན་ཏུ་ཕེབས་དེར་རིག་གནས་རེ་དང་ལྷ་མོའི་རྗེས་གནང་སྩལ་ཁོང་གིས་པཎ་ཆེན་(ཤཱཀྱ་མཆོག་ལྡན)ལ་དབང་ཞིག་གསན་ནས་ཡར་ལམ་མངའ་རིས་སུ་ཕེབས་ཞབས་ཏོག་རྗེ་གྲོལ་མཆོག་གི་ཡབ་ཡུམ་གྱིས་བསྒྲུབས། ཡུམ་ལ་གནས་ཁང་གཡར་དགོས་གསུངས་ནས་གུང་ཐང་བརྒྱུད་བལ་བོར་བྱོན། པཎྜི་ཏ་ཛེ་ས་གསེན་ལ་འཁོར་ལོ་སྡོམ་པའི་དབང་མནོས་ནས་རྣལ་འབྱོར་བའི་ཆས་སུ་བསྒྱུར་ཏེ་རྒྱ་གར་ལ་ཕེབས་རྡོ་རྗེ་གདན་གྱི་བྱང་ཆུབ་ཆེན་པོ་ལ་ཕྱག་མཆོད་སྨོན་ལམ་མཛད་དེ་སླར་རང་ཡུལ་དུ་བྱོན་དགོངས་ཏེ་བྱོན་ལམ་གྲུ་ཞིག་པས་ཞི་བར་གཤེགས་སོ། །
རྗེ་བཙུན་ཆེན་པོ་ཀུན་དགའ་གྲོལ་མཆོག
༢༧ བཅུ་གཉིས་པ་རྗེ་ཀུན་དགའ་གྲོལ་མཆོག་མངའ་རིས་སྨད་ཀྱི་གློ་བོ་སྨན་ཐང་ཞེས་བར་གཉག་སྟོན་ཤཱཀྱ་མུ་ནེའི་རིག་བརྒྱུད་དུ་ཡབ་དཔོན་དྲུང་ཚེ་དབང་བཟང་པོ་ལོ་ང་བརྒྱད་དང་། ཡུམ་བཙུན་མོ་སྔ་ཕྱི་གཉིས་ལས་ཕྱི་མ་ལོ་ཉེར་གཉིས་པ་གཉིས་ཀྱི་སྲས་སུ་མེ་ཡོས་ལོར་འཁྲུངས། རྭ་སྟོན་ཆོས་རྗེར་མིང་ཞུས་པས་སྒྲོལ་མ་འབུམ་དུ་གསོལ། བཙུན་པའི་བག་ཆགས་བཟང་པོར་འདུག་པས་ཆོས་སྒོར་ཆུག་ཅེས་ལུང་བསྟན། དགུང་ལོ་བཞི་པར་དྲུང་བ་ཆོས་རྗེ་ལ་སྐྱབས་སྡོམ་དང་དགེ་བསྙེན་རིམ་གྱིས་ཞུས་ཏེ་མདོ་སྡེ་སྐྱེས་རབས་ཀློག་པས་ཕལ་ཆེར་ཐུགས་སུ་ཆུད། དགུང་ལོ་བདུན་པར་དྲུང་པ་ཆོས་རྗེ་ལ་གཤེད་དམར་ལྷ་ལྔའི་དབང་ཞུས་གསང་མཚན་ཞེ་སྡང་རྣམ་དག་རྡོ་རྗེ་གསོལ། དེ་ལོར་ཞེན་པ་གཞི་བྲལ་གྱི་ཁྲིད་གསན་པས་ཉམས་རྟོགས་ཁྱད་པར་ཅན་འཁྲུངས། རྗེ་དྲུང་བཙུན་པ་ལ་བསྡུས་རྩིས་དང་གཞུང་ཆེན་རྣམས་ཐུགས་ལ་བཟུང་ནས་རྒྱུག་ཕུལ། གཞན་ཡང་ཕར་ཚད་འདུལ་མངོན་བྱམས་ཆོས་ལྷག་མ་བཞི། སྤྱོད་འཇུག བཤེས་སྤྲིངས་སོགས་ཐུགས་སུ་ཆུད་དེ་དྲུང་བ་ཆོས་རྗེ་ལ་རྒྱུག་སྣོན་ཕུལ། བྱམས་གླིང་བ་དང་། དྲུང་བ་གཉིས་ལ་རྗེས་གནང་མང་པོ་ཞུས་ཏེ་ལྗགས་བསྙེན་ཡང་གྲུབ་པར་མཛད། དགུང་ལོ་བཅུ་པར་དྲུང་བ་ལ་དགེ་ཚུལ་གྱི་སྡོམ་པ་གསན། ཀུན་དགའ་གྲོལ་མཆོག་ཏུ་མཚན་གསོལ། དགེ་བསྙེན་སྡོམ་བརྒྱད་ཀ་རི་ཀ་སོགས་ཀྱི་རྩ་འགྲེལ་བཅས་ཀྱི་ལུང་གསན། མཁན་སུ་བྷ་ག་ཏ་སོགས་ལ། མདོ་སྐོར། རྒྱ་གཞུང་སྐོར། བཀའ་གདམས་པའི་གསུང་བགྲོས་མང་པོ། ཟུར་བཀའི་རྗེས་གནང་མང་པོ་གསན། ལམ་འབྲས་ལ་སྦྱང་བ་མཐར་ཕྱིན་མཛད། དགུང་ལོ་བཅུ་གསུམ་པར་དབུས་གཙང་དུ་བྱོན་ལམ་ས་སྐྱར་ཕེབས། ཁའུའི་བྲག་རྫོང་དུ་ཀུན་སྤངས་རིན་པོ་ཆེ་ལ་དཔལ་མགོན་ཐིམ་པའི་བྲག་སྒོ་ཉིད་དུ་ཞལ་བཞི་བའི་རྗེས་གནང་གསན། རྟགས་མཚན་ངོ་མཚར་བ་བྱུང་། དེ་ནས་གསེར་མདོག་ཅན་དུ་ཕེབས་ཨ་མོ་གྷ་སིདྡྷིའི་ཞལ་སྔ་ནས་མཚན་ཉིད་ཕྱོགས་ལ་གསན་སྦྱོངས་ཀྱིས་མཁས་པའི་ཕུལ་ཕྱིན་མཛད། གཞན་ཡོངས་འཛིན་དུ་མ་ལ་སྔགས་ཕྱོགས་ཀྱི་དབང་བཀའ་སོགས་གསན་སྦྱང་མཛད་དེ་སླར་རང་ཡུལ་དུ་ལོག པཎ་ཆེན་བྱམས་གླིང་པ་དང་དྲུང་བ་ཆོས་རྗེ་མཇལ་འཛོམ་གནང་ཏེ་དགྱེས་ཆེན་མཛད། དེ་ནས་ངོར་ཆེན་ཡབ་སྲས་དང་དྲུང་བ་ཆོས་རྗེ་རྣམས་ཀྱིས་མཁན་སློབ་སོགས་མཛད་ནས་བསྙེན་རྫོགས་ཞུས་དྲུང་ཆོས་རྗེའི་གདན་སར་མངའ་གསོལ་ཆོས་རྗེ་རྣམ་གསུམ་(བྱམས་གླིང་བ། ངོར་ཆེན་པ། དྲུང་པ།)གྱི་ཕྱག་ནས་གནང་། ཇོ་ཤཱཀྱ་རྣམ་གཉིས་མཇལ། གསེར་མདོག་ཅན་དུ་ཕེབས་འགྱེད་སོགས་རྒྱས་པར་གནང་། མཁའ་འགྲོ་ནཻ་གུ་མའི་ཞལ་གཟིགས་ཏེ་ཆོས་དྲུག་གི་བཀའ་རྣམས་ཞུས། བྲག་སྟངས་རྡོ་རྗེ་རྫོང་དུ་རྣམ་སྲས་རྟ་བདག་བརྒྱད་ཀྱི་ཞལ་གཟིགས། མནལ་ལམ་དུ་མི་རྟ་ཛོ་གིས་སྙིང་པོ་དོན་གསུམ་གནང་ཞིང་ནཻ་གུ་མ་སོགས་མཁའ་འགྲོ་མང་པོའི་ཚོགས་འཁོར་དུ་ཡང་ཡང་ཕེབས། ཤ་བ་རིས་ཀྱང་བྱིན་རླབས་དབང་བསྐུར་བ་སོགས་དག་སྣང་དུ་ལྷ་དང་བླ་མ་ལས་ཟབ་ཆོས་དུ་མ་གསན་ཏེ་ལྷ་དང་མཁའ་འགྲོས་སྦྱིན་པའི་མིང་འཇམ་མགོན་གྲུབ་པའི་དཔའ་བོ་ཞེས་བྱ་ལ། དངོས་ཀྱི་བླ་མ་མཁས་གྲུབ་བཞི་བཅུ་ཙམ་བསྟེན་ནས་མདོ་སྔགས་མཐའ་ཡས་པ་གསན་པ་ལས་རྗེ་སྤྱང་ལུང་བས་བློ་གསལ་རྒྱ་མཚོའི་སྡེ་ཞེས་མིང་སྩལ། རྒྱ་སྒོམ་ལེགས་རྒྱལ་ལ་མགོན་པོའི་སྤྲུལ་བས་ཆོས་བདག་པོའི་ལག་ཏུ་སྤྲོད་གསུངས་པའི་ལུང་བསྟན་ལྟར་ནཻ་གུའི་ལུགས་སྲོལ་བཅུ་གཉིས་ཀྱི་ཆོས་སྐོར་མ་ཚང་བ་མེད་པར་གསན། ཁྱད་པར་ལོ་ཆེན་རིན་ཆེན་བཟང་པོ་ལ་ནམ་མཁའ་དཔལ་བཟང་ནས་བརྒྱུད་པའི་དུས་ཀྱི་འཁོར་ལོའི་ཆོས་སྐོར་ཡོངས་རྫོགས་ཞུས། བཀྲ་ཤིས་ལྷུན་པོར་ཕེབས། པཎ་ཆེན་བློ་བཟང་བསྟན་པས་བསྙེན་བཀུར་མཛད། སྔ་ཕྱི་གཉིས་ཀར་ངམ་ཀྱང་བྱིན་རླབས་དབང་བསྐུར་བ་སོགས་དག་སྣང་དུ་ལྷ་དང་བླ་མ་ལས་ཟབ་ཆོས་དུ་མ་གསན་ཏེ་ལྷ་དང་མཁའ་འགྲོས་སྦྱིན་པའི་མིང་འཇམ་མགོན་གྲུབ་པའི་དཔའ་བོ་ཞེས་བྱ་ལ། དངོས་ཀྱི་བླ་མ་མཁས་གྲུབ་བཞི་བཅུ་ཙམ་བསྟེན་ནས་མདོ་སྔགས་མཐའ་ཡས་པ་གསན་པ་ལས་རྗེ་སྤྱང་ལུང་བས་བློ་གསལ་རྒྱ་མཚོའི་སྡེ་ཞེས་མིང་སྩལ། རྒྱ་སྒོམ་ལེགས་རྒྱལ་ལ་མགོན་པོའི་སྤྲུལ་བས་ཆོས་བདག་པོའི་ལག་ཏུ་སྤྲོད་གསུངས་པའི་ལུང་བསྟན་ལྟར་ནཻ་གུའི་ལུགས་སྲོལ་བཅུ་གཉིས་ཀྱི་ཆོས་སྐོར་མ་ཚང་བ་མེད་པར་གསན། ཁྱད་པར་ལོ་ཆེན་རིན་ཆེན་བཟང་པོ་ལ་ནམ་མཁའ་དཔལ་བཟང་ནས་བརྒྱུད་པའི་དུས་ཀྱི་འཁོར་ལོའི་ཆོས་སྐོར་ཡོངས་རྫོགས་ཞུས། བཀྲ་ཤིས་ལྷུན་པོར་ཕེབས། པཎ་ཆེན་བློ་བཟང་བསྟན་པས་བསྙེན་བཀུར་མཛད། སྔ་ཕྱི་གཉིས་ཀར་ངམ་གསུམ། སེམས་ཉིད་ངལ་གསོ། ཐིག་ལེ་བཅུ་དྲུག ཤེར་ཕྱིན་བཀའ་བབ་དྲུག་པ། ཞི་བྱེད་ལམ་ལྔ། བྱམས་ཆོས་སྡེ་ལྔ། ཀྱཻ་རྡོར་འཁོར་ཆེན་བསྐྱེད་རྫོགས། དུས་འཁོར་མན་ངག སྦྱོར་དྲུག ལམ་འབྲས། གསང་འདུས་རིམ་ལྔ། བདེ་མཆོག རྡོ་རྗེ་གདན་བཞི། ནཱ་རོ་ཆོས་དྲུག ནཻ་གུ་ཕྱག་ཆེན་གའུ་མ་སོགས་དབང་ལུང་མན་ངག་བརྒྱ་རྩ་བརྒྱད་ཀྱིས་མཚོན་ཇོ་ནང་ཤངས་བ། ས་སྐྱ་སོགས་ཀྱི་དབང་བཀའ་མང་པོ་དང་། ཚེ་དབང་འཆི་མེད་དཔལ་སྟེར་སོགས་རྙིང་ཕྱོགས་ཀྱི་ཆོས་སྐོར་དང་བཅས་ཟབ་ཆོས་ཀྱི་མཛོད་ཆེན་པོར་བཞུགས་ལ། རྒྱལ་བ་དགེ་འདུན་རྒྱ་མཚོ་དང་ལན་གཉིས་མཇལ་བས་དང་པོའི་སྐབས་འབེལ་གཏམ་དང་ཕན་ཚུན་ཐུགས་མཉེས་མཛད། རྗེས་མཇལ་དུས་ཆོས་འབྲེལ་བཀའ་གདམས་ནོར་ཕྲེང་གི་རྩ་བའི་ལུང་ཞུས། མདོར་ན་རྗེ་འདིས་མདོ་སྔགས་ལམ་གྱིས་མཆོག་བརྙེས་ཤིང་རྣམ་དཀར་མཛད་པས་འགྲོ་དོན་ལྷག་པར་ཆེ་བ་མཛད་ལགས་སོ། །ཁྱད་པར་གསེར་མདོག་ཅན། དཔལ་འཁོར་བདེ་ཆེན། རྩེ་ཆེན། ངམ་རིང་སོགས་དགོན་སྡེ་མང་བོའི་ཆོས་ཁྲིད་འཁོད་ཀྱང་བྱ་བ་བཏང་ཡན་པ་བློ་བདེ་བྱས་ནས་དགོན་སྡེའི་ཞལ་འཛིན་ཆེར་མ་མཛད་དེ་རྣལ་འབྱོར་རང་ས་འཛིན་དུས་སེམས་ཀྱི་མདུད་གྲོལ་ཞེས་བའི་མཚན་ཐོགས། བར་སྐབས་རེ་ཇོ་ནང་གི་གདན་ས་མཛད། །སྐུ་ཚེའི་སྨད་དུ་ཆོས་ལུང་བྱང་རྩེ་བཏབ་ནས་སྒྲུབ་སྡེ་ལ་གཙོ་བོར་མཛད། བུ་སློབ་ཀྱི་གཙོ་བོ། རྡོ་རིང་ཀུན་དགའ་རྒྱལ་མཚན། ཆོས་སྐུ་ལྷ་དབང་གྲགས་པ། མཁས་དབང་བྱམས་པ་ལྷུན་གྲུབ། མཁན་ལུང་རིག་རྒྱ་མཚོ། རྗེ་དྲུང་ཀུན་དགའ་དཔལ་བཟང་རྣམས་སོ། །དེ་ནས་སྔོན་གྱི་སྐྱེ་རབས་དང་རྗེས་ནས་ཡང་སྲིད་ངོས་འཛིན་སོགས་ཀྱི་ལུང་བསྟན་གསལ་བར་མཛད་དེ་བསྟན་འགྲོའི་དོན་རེ་ཞིག་རྫོགས་ཚུལ་གྱིས་དགུང་ལོ་དྲུག་ཅུ་མེ་སྟག་ལོའི་ཟླ་བ་དང་པོའི་ཚེས་བརྒྱད་ལ་གཟུགས་སྐུ་ཆོས་དབྱིངས་སུ་ཐིམ་པའོ། །
དགའ་བྱེད་ས་སྐྱོང་།
བཅུ་གསུམ་པ་དགའ་བྱེད་ས་སྐྱོང་། རྒྱ་གར་དུ་གཱ་ཡ་ཞེས་པའི་གྲོང་ཁྱེར་ན། རྒྱལ་པོ་བྷ་ར་ཏ་རིའམ་(རཱམ་བདྷ་རི)བྱ་བ། ཡུལ་མ་གདྷ། བཅོམ་བརླག །བྲ་ཡ་ག་རྣམས་ཀྱི་བདག་པོར་གྱུར་པ་ཞིག་གི་སྲས་སུ་འཁྲུངས། རྒྱལ་པོ་དེ་མུ་སྟེགས་པ་ལ་དད་པ་ཞིག་སྟེ། རྒྱལ་བུ་བལྟམས་པའི་བཙས་སྟོན་དུ་ཕོ་བྲང་གི་ཡང་ཐོག་ཏུ་བྲམ་ཟེ་རྣམས་མཆོད་པའི་ལས་བྱེད་དུ་བཅུག་སྐབས་རྣལ་འབྱོར་པ་ཞིག་གང་བྱུང་ཆ་མེད་དུ་ཐོན། དེ་ལ་བྲམ་ཟེ་དག་གིས་སོངས་ཤིག་བྱས་པས། རྣལ་འབྱོར་པ་དང་ཁོ་རང་རྣམས་ཀྱི་མཆོད་རྫས་བཅས་མི་སྣང་པར་གྱུར་པས་ཡ་མཚན་སྐྱེས། ཡང་རྣལ་འབྱོར་པ་གཞན་ཞིག་བྱུང་ནས་དམ་པ་གུ་རུ་ནཱ་མ་ཞེས་སྨྲས་ནས་དེ་ཡང་མི་སྣང་ངོ་། །དེ་ནས་རེ་ཞིག་ན་བཙས་སྟོན་ཆེར་བྱེད་སྐབས་རྒྱལ་པོ་ཉིད་མུ་སྟེགས་པ་ལ་དད་པས་དཔག་ཚད་བརྒྱ་ཁོར་ཡུག་ཏུ་ཕྱི་ནང་གི་རབ་བྱུང་གཞན་སྲུང་ཞིང་སྔར་གནས་རྣམས་བསྐྲད་གློ་བུར་པ་ཡོང་དུ་མ་བཅུག་ནས་མཆོད་སྦྱིན་ཁང་པར་སྲེད་མེད་བུའི་སྐུ་ལ་མཆོད་ཡོན་འབུལ་ཚེ། གློ་བུར་དུ་རྣལ་འབྱོར་པ་ཞིག་བྱུང་ནས་མཆོད་སྦྱིན་ཆུ་སྣོད་དུ་ཁྲུས་བྱས་པས་བྲམ་ཟེ་རྣམས་ཀྱིས་བརྡེག་པར་བརྩམ་པ་ན། ཕ་ཊཱ་ཡེ། ཞེས་ཟེར་བས་མཆོད་སྦྱིན་པ་རྒྱ་ཆེར་གྱིས་ཞེས་གསུངས། ཁྱོད་སུ་ཞིག ཞུས་པས་མེ་གྷ་ནཱ་ཐའོ་གསུང་། དེ་ལྟར་རྣལ་འབྱོར་བའི་བཀའ་བཞིན་བྱས། མིང་ར་མ་གཱོ་པཱ་ལར་བཏགས། ཕྱིས་སུ་སྲས་ཀྱིས་ཀྱང་སངས་རྒྱས་དང་སློབ་དཔོན་གོ་རཀྵ་ཁོ་ནའི་བསྔགས་པ་བརྗོད། ཡུམ་རྒྱལ་རིགས་ཀྱི་བུ་མོ་ལཀྵྨཱི་ནི་ཐོག་མ་ནས་སངས་རྒྱས་ལ་དད་པས་པཎྜི་ཏ་གསུམ་ལྡན་རྡོ་རྗེ་འཛིན་པ་བསོད་སྙོམས་པ་ཞིག་སྤྱན་དྲངས། དེས་ཀྱང་རྒྱལ་བུ་ལ་སངས་རྒྱས་ཀྱི་བསྟོད་པ་མང་པོ་འཛིན་དུ་བཅུག ལྷ་མང་པོའི་དབང་བསྐུར་རིག་སྔགས་བྱིན་པས་སྔོན་གྱི་སྐྱེ་བ་མང་པོ་དྲན། ཁྱད་པར་ཡང་སྲིད་སྔ་མ་བོད་དུ་ཆོས་ཀྱི་སྒྲོན་མེ་སྦར་བ་ཡང་དྲན་པས་ཀུན་གྱིས་ངོ་མཚར་དུ་འཛིན། ཡང་བསོད་སྙོམས་པ་ཀུབྟ་མུ་དྲ་ལས་སེམས་བསྐྱེད་དང་ཟབ་ཆོས་མང་དུ་ནོད་པས་རྣལ་འབྱོར་ལ་བརྩོན་པར་མཛད། ཡང་སྐབས་ཤིག་ནགས་ཚལ་དུ་རྒྱུ་ཚེ། ཤིང་དྲུང་ཞིག་ན་རྣལ་འབྱོར་པ་བཅུད་ལེན་གྲུབ་པ་གཡོག་སྤྲེའུ་གསུམ་དང་དོམ་ཞིག་གིས་བྱེད་བ་མཉམ་བཞག་ཏུ་རླུང་གི་རྒྱུ་བ་འགག་པ་གྲུབ་ཐོབ་ཨོ་ཀོ་ར་ནཱ་ཐའི་དངོས་སློབ་མེ་གྷ་ནཱ་ཐའམ་ཛྭ་ནཱ་ཐ་ཞེས་བྱ་བ་བཞུགས་པ་མཐོང་བས་དད་དེ་དེ་ལ་བསྙེན་བཀུར་མཛད་པ་ན་བྱིན་རླབས་དང་གདམས་ངག་གནང་ནས་བུ་ཁྱིམ་དུ་མ་འགྲོ་དེ་ཉིད་དུ་སྡོད་ཅེས་གསུངས་ནས་བསྡད་པ་ན། ཡབ་ཀྱིས་སློབ་དཔོན་གྱིས་བུ་མ་བཏང་བ་ལ་ཁྲོས་ནས་རྟ་བ་སྟོང་ཕྲག་གཉིས་བཏང་བ་རྣམས་སློབ་དཔོན་གྱིས་རེངས་བར་མཛད་པས་ཐམས་ཅད་ངོ་མཚར་ནས་མོས་གུས་བྱས་པས་རེངས་བ་རྣམས་གྲོལ་ཞིང་རྒྱལ་བོ་ལ་སྦྲན་པས་རྒྱལ་པོ་ཡང་ངོ་མཚར་སྐྱེས་ནས་སློབ་དཔོན་ལ་ཕྱག་འཚལ་བཟོད་གསོལ་ཕུལ་བས་སློབ་དཔོན་གྱིས་ཀྱང་བི་བྷུ་ཏིའི་ཐིག་ལེ་ཡང་བསྩལ་ཏོ། །དེས་ན་རྒྱལ་བུ་འདི་སྐབས་འགར་སློབ་དཔོན་རྣམ་གསུམ་(པཎྜི་ཏ། ཀུབྷ་མུ་དྲ། མེ་གྷ་ནཱ་ཐ)གྱི་དྲུང་དང་། སྐབས་འགར་ཕོ་བྲང་དུ་བཞུགས། ཡབ་དང་ལྷན་ཅིག་བཎྜ་བརྷ་ན་སོགས་ཡུལ་མང་པོར་བྱོན། སློབ་དཔོན་ཨཱ་ནནྡ་པྲ་ཤོ་ཏི་དང་མཇལ་སྒྲོལ་མའི་བཟླས་ལུང་མནོས་པས་འཕྲལ་རྟགས་བྱུང་། ར་ཛ་གྲྀ་ཧ་སོགས་གནས་ཆེན་ཀུན་དང་ནགས་དང་གྲོང་ཁྱེར་ཀུན་ཏུ་ངོ་མཚར་སྒྱུ་མའི་རོལ་རྩེད་མཛད་ཅིང་། སྐྱེས་བུ་མཆོག་གི་ལོ་བརྒྱའི་བྱ་བ་དེ་འདིས་ལོ་བརྒྱད་དུ་ཉེ་བ་ན་རྫོགས་པར་མཛད་ཅེས་གྲགས་སྐད་དོ། །དེ་དག་སྐྱེ་རབས་བཅུ་གསུམ་གྱི་ས་བོན་ཙམ་མོ། །
