༄༅། །དད་ལྡན་ཆོས་ཞུ་བ་སེར་སྐྱ་ཡོངས་ཀྱི་སྙན་ལམ་དུ།
ཆེད་ཞུ། ངེས་དོན་བསྟན་པའི་སྲོལ་འཛིན་ཉམས་དང་རྟོགས་པའི་དབང་ཕྱུག་རྡོ་རྗེ་སློབ་དཔོན་༧ སྐྱབས་རྗེ་ཇོ་ནང་༧ རྒྱལ་ཚབ་རིན་པོ་ཆེ་མཁན་སྤྲུལ་ངག་དབང་ཆོས་ཀྱི་སྣང་བ་མཆོག་ལ་རྒྱལ་སྤྱིའི་ཇོ་ནང་འགྲོ་ཕན་ལྷན་ཚོགས་ཀྱི་ངོས་ནས་ཇི་ལྟར་གསོལ་བ་བཏབ་པ་བཞིན། བོད་རྒྱལ་ལོ་ ༢༡༤༩ རབ་གནས་ཆུ་སྟག་ལོའི་ཟླ་བ་༡༠ ཚེས་༢༩ དང་། ཕྱི་ལོ་༢༠༢༢ ཟླ་བ་༡༢ ཚེས་༢༢ ཉིན་གྱི་སྔ་དྲོ་གནས་མཆོག་རྡོ་རྗེ་གདན་གྱི་མཆོད་རྟེན་ཉེ་འགྲམ་དུ་ཆོས་རྗེ་ཀུན་མཁྱེན་དོལ་པོ་སངས་རྒྱས་སྐུ་ཞི་བར་གཤེགས་ནས་ལོ་༦༦༠ ཧྲིལ་བོ་འཁོར་བའི་ལོ་འདིར་དུས་དྲན་སྲུང་བརྩི་དང་སྟབས་བསྟུན་ནས། ཀུན་མཁྱེན་ཡབ་སྲས་བཅོ་ལྔའི་རྗེས་གནང་གི་གསུང་ཆོས་བཀའ་དྲིན་བསྐྱང་རྒྱུའི་ཞལ་བཞེས་ཐོབ་པ་ལགས་ན་དོན་གཉེར་ཅན་རྣམས་དུས་ཐོག་ཏུ་ཕེབས་གནང་ཡོང་བའི་ཆོས་བརྡ་རུ།
རྒྱལ་སྤྱིའི་ཇོ་ནང་འགྲོ་ཕན་ལྷན་ཚོགས་དབུས་རྒྱུན་ལས་ཁང་ནས།
ཕྱི་ལོ་༢༠༢༢ ཟླ ༡༠ ཚེས ༡༨ ཉིན་གུས་པས་ཕུལ།འབྲེལ་ཡུལ། རྒྱལ་སྤྱིའི་ཇོ་ནང་འགྲོ་ཕན་ལྷན་ཚོགས་ཀྱི་འཚོགས་གཙོ་རྟག་བསྟན་དགེ་བཤེས། བླ་མ་སྦྱིན་པ་བཟང་པོ། 8278739833
རྒྱལ་སྤྱིའི་ཇོ་ནང་འགྲོ་ཕན་ལྷན་ཚོགས་ཀྱི་དྲུང་ཆེ་ཆོས་ཀྱི་ཉི་མ། 7559633779